Niiwnorgal moɗooje

EHT, niiwnorgal ƴeewowal no moɗoore yollorto ɓakdi.

Niiwnorgal keerol moɗoore walla keerol baɗe (horizon des événements) ko gaccungol lehe jamɗe niiwnorɗe (antennes paraboliques) liggidtooɗe e sahaa gooto, haa waya no lahal gootal ni, lahal potngal no ɗaŋre men Ngaawe ni, woni faandaare waɗirde noon ko ngam heɓde natal laaɓtungal moɗoore walla wuddere ɓaleere, ko goonga, moɗoore kam alaa ko iwata e mum faade boowal, hay caafe lewndu ndaɗaani, ko naati fof yaltude alaa.

Ko niiwnorɗe rajo weeyo jeetati ndentinaa, eɗe ngollida e sahaa gooto, toggi Hawaay haa Espaañ, fay Etasini, yawti to Groenland to soɓɓundu Worgo, fay Meksik e Chili, heen nokkuure fof ina waɗi niiwnorgal, ko ɗee mbaɗdi junngo e faandu ngam suuɗtude Moɗoore.
Maa hawra kadi e nde kaɗooje ngoodaani, ɗe ngollida rip, tawa daɗondiral hakkunde majji ɓuraani mikrosegonnde (microseconde), ɗuup woni pecetinel gootel e nder ujunnaaje ujunere fecitin’de leƴƴannde.

Niiwnorgal ngal waawata yiyde tan ko keerheerɗi moɗoore, ko dergitto e ɓakdi (punndi e gaasuuji) faade to nder moɗoore, ko ɗuum tan feeñanta ngal, ko heddi ko, to wuddu to, ko fatere ɓaleere, ko ndeen woni moɗoore nde.

Ñalnde 12 duujal 2022 ngal holliri moɗoore to ɓernde Lillungal men Fedannde Malaaɗo, nde tawatee ko e ɗatal Mbaangu (Sgittaire), nde weeɓaani yiyde, kono jiyɗe niiwnorgal ngal ina seerti e jiyɗe men, dadol moɗoore ngol yiyotoo tan ko e mbaadi bempeƴƴe rajo, hay ɗuum ne, won ɗo haaɗi, waawata yiyde ɗuum tan ko lehe jamɗe mawɗe baaɗe no kuutortoɗen e teleeji men, no lahal ngal ɓurdi mawnude fof ko noon jiyɗe ɗee potata seeɓde, sabu ko niiwnete ko ina woɗɗi kadi ina iirɗi.
Yolnde hakkunde men e ndee moɗoore maa wonoy duuɓi 26 000 lewndu, kono mooɓre mayre ina sowoo laabi miliyoŋaaji 4 mooɓre Naange.

Ngal adino yiyde ko moɗoore woɗnde hedde duuɓi miliyoŋaaji 55 lewndu, ndeen moɗoore wiyete ko M87.

Niiwnorgal walla dental niiwnorɗe ngal ɓami golle ko 2015, ko ina abbo e 80 duɗe ganndal weeyo ndenndi ngal, mbela eɓe njiya ayaawu moɗoore, keerol hakkunde goodal e mehre meƴƴelde.

Votre commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l’aide de votre compte WordPress.com. Déconnexion /  Changer )

Image Twitter

Vous commentez à l’aide de votre compte Twitter. Déconnexion /  Changer )

Photo Facebook

Vous commentez à l’aide de votre compte Facebook. Déconnexion /  Changer )

Connexion à %s