DART, lappol daɗndude ɗaŋre men.

Felmannde baagal DART ustii dumunna banngagol haayre Dimorphos yirlotonoonde e haayre woɗnde, fotde hojomaaji 32, ɗuum maa wonoy 4% ko usti, hay sinno ustino ko hojom gooto moƴƴatno, nde tawno woni faandaare ngol lappol DART ko ƴeewndo mbela neɗɗo ina waawi saytin’de kaaƴe weeyo, haa cela laawol mumen, mbela ko fay arde so tawii en cooyniima haayre halkaare ina roondii ɗaŋre men tawa eɗen mbaawi saytin’de nde, nde sela ɗaŋre ndee.
Baagal DART dogatno ko 22500 km kala waktu (km/h), haa felmi haayre ndee.
Kaaƴe weeyo mbeeɓaani dirtin’de e lappi mumen, nde tawno eɗe ndoga ko yaawi, kadi ina waɗi heen mawɗe, dirtin’de ko mawni, ko yaawi, weeɓaani, naamni ko semmbe e peeje mawɗe.
Natirka seŋtinooma e baagal he balɗe 15 hade pelmagol ngol, kaan natirka ɓami no felmannde ndee yahri, ɗo baagal ngal yani ɗo keletine haayre nde nduuyi ceerti e mayre, wiɗto nate ɗee maa wallu annduɓe faamde hol no felmannde ndee sostiniri haayre ndee.

Haayre Dimorphos wanngotono haayre ɓurnde mawnude ndee Didymos haa fiya feggere ko e nder waktuuji 11 pawɗi 55 hojom, nde baagal ngal felmii nde, ustii haa wonti waktuuji 11 pawɗi 23 hojom, ɗuum ko golle ŋarɗuɗe.

Yuɓɓo kaaƴe ɗee
Ngal natal ko niiwnorgal Hubble ñalnde 8 yarkomaa (octobre). Laaci haayre ki woni keletine mayre caggal felmannde ndee

3 commentaires sur “DART, lappol daɗndude ɗaŋre men.

Votre commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l’aide de votre compte WordPress.com. Déconnexion /  Changer )

Image Twitter

Vous commentez à l’aide de votre compte Twitter. Déconnexion /  Changer )

Photo Facebook

Vous commentez à l’aide de votre compte Facebook. Déconnexion /  Changer )

Connexion à %s