Niiwnorgal James Webb

Ko ɗum woni niiwnorgal (télescope) mbewuyal James Webb, ngal moolanangal, ngal njuuteendi mum woni meetereeje 22, njaajeendi mum woni meetereeje 12, hebori lomtaade niiwnorgal Hubble.
Duuɓi 30 ngal niiwnorgal ina feewne, sabu ngal fuɗɗi feewneede ko hitaande 1996, kono ko kanngal wappiti Hubble to woɗɗi baŋ yoo baŋ.
Daarorgal keɓɓirgal geɗe weeyo ngal tan ko meetereeje 6,5 njaajeendi, ngal Hubble ngal ko meetereeje 2,4 tan.
Ina jeyaa ko ɓuri seerndu ɗe, ɗo ngal hebori yoweede to weeyo to ina woɗɗondiri e ɗo Hubble waɗa ɗo, sabu James Webb lottetee ko hedde 1,5 miliyoŋ kilomeeteer caggal Ngaawe (Terre ) e lobbudu wiyeteendu Lagaranje (Lagrange) L2.
So ngal wonii nduun lobbudu, a ngal waawi niiwnaade yoga e kuule ndowgu (asamaan) e njiyɗe gaadanteeje e ɗe les-mboɗirki (infrarouge).
Niiwnorgal ngal JWST maa wiɗan en koode, ɗaŋe boowal seto Naange (exoplanètes) e niiwooje (nébuleuses), hay Lilluɗe ɓurɗe woɗɗude e weñaade maa njiye, hay tagaaɗe duuɓi miliyoŋaaji seeɗa caggal Dawaa Dawi (Big Bang).

Ko dampowal (fusée) Arian 5 jogori rimndude niiwnorgal ngal, ngal diwata ko to dingiral Kuru (Kourou) to leydi Giyaan (Guyane), ñalnde 18 bowte (décembre) 2021.

Kuɗol : Hammadi Jah