Yuɓɓo ɗaŋeewo maaytungo

Yuɓɓo ɗaŋeewo (système planétaire) ina yiyta, ɗuum haawnaaki e nder ngoo weeyo heewngo koode dewniiɗe ɗaŋe, kono ngoo seto yiytaango ina heerori ɓooyde, yolnde hakkunde men e maggo ko duuɓi 90 lewndu, ngo heerori ko Naange maggo ko hoodere maaytunde haa wonti koodatinel danayel (naine blanche), sabu ko nde duppunde kuɓɓam mayre haa gasi, nde fetti, lare dow ɗee fof ɗakkitii, carii e weeyo, duuɓi hoodere ndee maa wonoy miliyaaruuji 10, ɗuum firti ko Dawaa Dawi (Big Bang) hecci nde ko duuɓi miliyaaruuji 3.8.
Wadde ndee hoodere e ko satiinde e ɗaŋe e keletine kaaƴe, ko ko ɓooyi, nde nde fetti nde, sikke alaa nde battinat e denndaangal ko rewi e mayre walla ko satiinde e ɗaŋe e kaaƴe, e laaciije, won e majje nih pirtotooɗe, ko ɗuum woni ko sooyna toon, ko mbeɗu kedde ɗaŋe e keletine kaaƴe satii hoodere inniraande WDJ2147-4035.
Hol faayiida woni e kedde ngoo seto ɗaŋeewo ɓooyngo, so geɗe maggo wiɗtaama, faamaama, maa wallu en e heɓindaade e anndude baɗtane seto men, hono Naange men e ko ngo rewni e ɗaŋe, (ɗaŋre men ko heen jeya), nde tawno Naange men ne, ko hoodere duppoore kuɓɓam mum, ɗo e duuɓi miliyaaruuji 5 haa 7, maa nde gaynu ko nde duppata ko, nde ɓeydoo fetaade, haa nde fetta, lare mayre dow ɗee fof ɗakkitoo cooroo e weeyo, ndeen noon ɗaŋre men Ngaawe, sikke alaa, jeyete ko e ɗaŋe ɗe Naange firtata.
Ɗuum noon, so en paami sifaa ngoon seto ɓooyngo, firtiingo, wayata kono ngonɗen ko e yeeɓde ngonka seto men ko fay arde.

Wiɗto caafe hoodere ndee hollitii won’de a nde waɗi yoga e jamɗe, soojyoom, potasiyoom, liciyoom e karbon, ɗeen jamɗe iwi ko e keletine kaaƴe bangatanooɗe nde.
Kono kadi, nde ɓe ceewtindii mbeɗu seto ɗaŋeewo ngoo, ɓe tawii heen, ɗaŋe mahiiɗe ko ɓooyaani, ɓaawo pettugol hoodere nde, ɗaŋe dewɗe e hoodere nayeere, walla koodaatinel danayel…

Yuɓɓo ɗaŋeewo maaytungo
Koodaatinel danayel

Votre commentaire

Entrez vos coordonnées ci-dessous ou cliquez sur une icône pour vous connecter:

Logo WordPress.com

Vous commentez à l’aide de votre compte WordPress.com. Déconnexion /  Changer )

Image Twitter

Vous commentez à l’aide de votre compte Twitter. Déconnexion /  Changer )

Photo Facebook

Vous commentez à l’aide de votre compte Facebook. Déconnexion /  Changer )

Connexion à %s